СКОПЈЕ ВО ПАРИЗ

Еден од најчитаните постови во 2017 на мојот блог беше “Париз во Скопје”, преку кој сакав да го доловам секојдневниот изглед на парижанките и да ви ги кажам неколкуте трикови без кои тие не можат.

Скопје во Париз е слична верзија на овој пост но во обратна улога, сакав да го пренесам модниот скопски дух во париското секојдневие. Стилот на скопјанките може да се каже дека е слободен но приземјен, со примеси на бунтовност. Аксесоарите пак ги сведуваме на минимум а исто така и шминката која не доминира.

Ова некаде го прочитав ама ми остана така во глава, за скопјанките – “Тие се мангупки со дамски манири.”

При мојата последна посета на Париз // градот на светлината, искомбинирав панталони со риги, блуза со карнер и високи потпетици. Во последно време ми е предизвик да комбинирам различни шари и дезени, дали на вас ви се допаѓа тој тренд?

ЗБОГУМ 2017, ДОБРЕДОЈДЕ 2018

Сакам со вас да ги споделам едни од најзначајните моменти за Магда во 2017 година. Иако помина само една година од кога започна да работи станицата на Магда, се случија многу убави работи, соработки, колекции, работилници и моменти за паметење. Ви благодарам на сите за неизмерната поддршка, се надевам дека уживате во празниците и ви посакувам уште подобра 2018 година, живели 😉

  • Актерите Ерина и Стефан носат Магда на црвениот тепих на Берлинскиот интернационален филмски фестивал.

  • Започна со соработка, а се претвори во пријателство. Ти благодарам Александра за неизмерната поддршка :*

  • Заедно со дизајнерките Евгенија Зафировска и Морана Радочај направивме успешна работилница во Public Room за изработка на производи од рециклиран материја.

  • Колекцијата Sexy MF, благодарности до Ladislav King за феноменалниот едиторијал.

  • Интересна но не и последна соработка со модната блогерка Dilek <3

  • Предизвикот 30 дена – 30 парчиња облека

  • Константната соработка со фотографката Стефи // P.S. Visual Art, ти благодарам од се срце што го комплетираш секој изглед на Магда со неверојатни фотографии <3

  • Среќна нова година, ви посакувам убави моменти, добри парчиња облека и насмевки во новата, ве сакам <3

XOXO

ЕДНО МЕСТО ВО СКОПЈЕ

Еден од напитоците кој што е двигател на денешницата е кафето. Лично јас неможам да го започнам денот без една шоља добро кафе. Во нашиот град постои место каде што може преку вкусот на кафето да отпатувате во Гватемала, Кенија, Бразил, Ел Салвадор, Колумбија…

Новите постапки на правење на кафе и вкусот на различните типови на квалитетно кафе го прават ова место уникатно и единствено. Благодарение на најдобрите баристи во Р.Македонија Влатко Ангеловски и Александар Патлиџанковски секој може да си ја почасти душичката со убаво кафе. Станува збор за Drip Coffee, место кое што ќе ги разбуди сите ваши сетила.

* Парчињата облека може да ги набавите во модно студио Магда

Здолниште // Basileia 

Photo // P.S. Photography

 

30 ПАРЧИЊА ОБЛЕКА

 

Заврши ноемврискиот предизвик наречен “30 дена – 30 парчиња облека”. Во прилог ви претставувам фотографии од направените модели со различни дизајни, облека за сечиј вкус. Иако повеќето парчиња се распродадени се уште има неколку оригинални парчиња достапни во модното студио Магда.

Следете не на нашиот ФБ и Инстаграм профил, бидејќи месецов ви спремаме изненадувања и попусти за да се подготвите за претстојните празници и прослави.

XOXO

BE UNIQUE. BE DIFFERENT. BE ORIGINAL.

Scroll down for English version 😉

Иако сезоната за дуксери одамна е започната, јас се решив да ве изненадам со уникатен дизајн дуксери кои се рачно доработени со реси, совршени за разигрување на вашиот есенски изглед.

Бренд амбасадорот на Магда, прекрасната и уникатна Александра, уште еднаш застана пред објективот на талентираната фотографка Стефани и заедно преку фотографиите и видеото ја претставија енергијата и пораката на модниот бренд Магда.

Затоа бидете и вие уникатни, различни и оригинални носејќи ги блузоните на Магда. Чекорете низ улиците на Скопје во боите на виножитото.

Although the season for sweatshirts has already started, I decided to surprise you with a unique design of sweatshirts with handmade fringes, perfect for your playful autumn look.

The brand Ambassador of Magda, the beautiful and unique Alexandra, is once again standing in front of the lens of the talented photographer Stefi and together they represent the energy and message of the fashion brand Magda.

So be unique, different and original, wear Magda’s sweatshirts. Walk through the streets of Skopje in the colors of the rainbow.

Model // Majestic by Alex

Photo & Video // P.S. Visual

BOHEMIAN RHAPSODY

Ако сакате да бидете уникатни оваа есен  дефинитивно треба да одберете парче облека од новата колекција на модната дизајнерка Сара Џи. Таа се претстави со најновата колекција Bohemian Rhapsody на Модниот викенд во Скопје.

Јас избрав сива волнена блуза и долго здолниште од чипка, ми се допаѓа изглед кој е комбинација од елегантно парче со секојдневно парче на облека.

Новата колекција на Сара повторно изобилува со парчиња облека кои се рачно доработени, иако вметна рокенрол вајб таа остана достојна на нејзиниот печат. Совршени наметки и долги фустани изработени од најфини материјали се само дела од нејзиното модно кралство. Во прилог и неколку фотографии од моите омилени парчиња од најновата колекција на Сара Џи.

Изгледите во оваа колекција беа надополнети со рачно изработени круни и накит од Queen Jewellery Design

       Photo // P.S. Photography <3

 

30 ДНЕВЕН ПРЕДИЗВИК – 30 ДЕНА – 30 ПАРЧИЊА ОБЛЕКА

Ноември е месец кој некако го доживувам депресивно, па сакам да направам нешто интересно и предизвикувачки. Ова дефинитивно ќе биде предизвик, но невообичаен. Се одлучив да направам триесет парчиња облека за триесет дена т.е. едно парче облека за еден ден во наредните триесет дена и секој ден ќе го постирам направеното парче облека на мојот инстаграм профил.

November is usually a month when I’m feeling depressed, so to cheer myself up, I will challenge myself with something interesting. This will definitely be something unusual for me. I decided I would make 30 pieces of clothing in 30 days, one piece of clothing for every day of the month. I will post the clothes I make on my Instagram profile everyday.

XOXO

ЕСЕНСКИ ЗРАЦИ

Scroll down for English version 😉

Иако е веќе ладно за да се шетаме по маица со кратки ракави ( секогаш можете да го надополните вашиот изглед со кожна јакна или пак некој друг тип на жакет) направив интересна комбинација во боите на есента. Маица со реси (на едно впечатливо место) во комбинација со црно долго здолниште со златни риги.

Бев во посета на археоастрономскиот локалитет “Тетиќев камен” – Кокино една од најстарите опсерватории во светот, ви препорачувам да го посетите овој локалитет особено во периодот од денот кога заоѓа сонцето. Ќе се заљубите во неговата магија.

Although it’s already too cold to wear a t-shirt (you can always complement your look with a leather jacket or some other type of jacket), I made an interesting combination in the colors of autumn. A t-shirt with a fringe (in an extraordinary place) combined with a black long skirt with golden stripes.

I visited the archeo-astronomical site “Taticev Kamen” – Kokino, one of the oldest observatories in the world. I recommend you visit this site, especially during a sunset. You will fall in love with its magic.

XOXO